Ҡатын граждан ирен үлтереүҙә ғәйепле тип танылған

2023 йылдың 6 ноябрендә хоҡуҡ һаҡлау органдарына ҡатын мөрәжәғәт итә, ул 2018 йылда һеңлеһенең граждан ирен үлтергәнлеге тураһында хәбәр итә. Мәғлүмәттәрҙе тикшергәндән һуң, ир тураһында 2018 йылдан бирле бер нәмә лә билдәле булмауы асыҡлана, әммә юғалған кешенең быға тиклем туғандары менән яҡын бәйләнештә булмауын иҫәпкә алып, уның юғалыуының криминаль характерын бер кем дә күҙалламай.

Тәфтишселәр һәм криминалистар оперативниктар менән берлектә енәйәттең шаһиттарын асыҡлай, шул иҫәптән хөкөм ителеүсенең элекке тормош иптәше лә, элекке ҡатынына мәйетте йәшерергә ярҙам итеүен таныған. Уның күрһәтмәләрен тикшереү барышында "Локомотив" баҡса ширҡәтенән алыҫ булмаған урында зыян күреүсенең кәүҙәһе ҡалдыҡтары табыла, улар буйынса эксперт тикшереүҙәре үткәрелә.

Тәфтиш һәм суд билдәләүенсә, 2018 йылдың июнендә "Локомотив" ширҡәтендә 38 йәшлек ҡатын һәм уның 38 йәшлек тормош иптәше араһында конфликт була, уның барышында ҡатын ирҙең башына бер нисә тапҡыр бита менән һуға, һөҙөмтәлә ир ваҡиға урынында вафат була. Тауышҡа ҡатындың күршеһендә йәшәгән элекке ире килә. Ул һәм хөкөм ителеүсенең ағаһы уға кәүҙәне йәшерергә ярҙам итә. Улар уны баҡсаларҙан алыҫ булмаған урманға алып барып, келәм һәм ботаҡтар менән ҡаплап ҡуялар.

Суд ҡатынды дөйөм режимлы холоҡ төҙәтеү колонияһында ун йылға иркенән мәхрүм итеүгә хөкөм итә. Хөкөм ҡарары әле законлы көсөнә инмәгән. Был турала БР Тәфтиш комитетының матбуғат хеҙмәте хәбәр итә.

Фото: https://web.telegram.org/a/#-1001713341715