Көлөп алайыҡ әле!

– Официант! Артығыраҡ тейәнем шикелле, миңә айныта торған берәй нәмә килтерегеҙ әле.

– Рәхим итегеҙ, бына һеҙҙең иҫәп ҡағыҙы.

*   *   *

– Вәли, ҡатының ҡайҙа?

– Ихатала, утын яра.

– Килешкән эш түгел инде улай – ҡатының утын яра, һин гармун тартып ултыраһың...

– Нимә эшләйем һуң, ул бит гармунда уйнай белмәй.

*   *   *

– Табип әфәнде, зинһар мине тикшерегеҙ әле...

– Әлбиттә, әлбиттә. Сисенегеҙ. Сисендегеҙме? Ә хәҙер кире кейенегеҙ!

– Ниңә кейенергә? Һеҙ бит мине ҡараманығыҙ!

– Һеҙ минең әйткәнде яҡшы ишетәһегеҙ, тимәк барыһы ла һәйбәт. Мин бит ЛОР табип.

*   *   *

Беҙҙең илдә генә кешеләр бер яҡлы хәрәкәтле юлдан сыҡҡанда ике яҡты ла ҡарап ала.