Көлөп алайыҡ әле!

Ике егет ҡыҙҙарға ҡунаҡҡа килә. Береһе:

– Ғәфү итегеҙ, һеҙҙең өй тәпешкәләре юҡмы?

– Бар, рәхим итегеҙ, – һәм ҡыҙ икенсе егеткә мөрәжәғәт итә. – Һеҙгә лә кәрәкме?

– Юҡ, рәхмәт, минең ойоҡбаштарым тишек түгел.

*   *   *

– Ҡатын-ҡыҙҙарҙың торлағы ир-егеттәрҙекенән нимәһе менән айырыла?

– Ҡатын-ҡыҙҙарҙыҡында һауыт-һабаны – ашағандан һуң, ә ир-егеттәрҙекендә ашар алдынан йыуалар.

*   *   *

Бер малай буш бау һөйрәп китеп бара икән. Үтеп барыусы:

– Ниңә һөйрәп бараһың уны?

– Этеп ҡараным, килеп сыҡмай.

*   *   *

– Алло!!! Тиҙерәк килегеҙ! Янам!

– Һеҙгә нисек барырға һуң?

– Бөтөнләй аҡылдан яҙҙығыҙмы әллә? Ҡыҙыл машинағыҙ бар бит!