Һағыҙаҡ саҡһа...

   Ғәмәлдә, аллергик булмаһағыҙ, һағыҙаҡ сағыуҙың бер ҙә ҡурҡынысы юҡ.  Ә инде тын етмәү, температура күтәрелеү, күңел болғаныу, тән тартышыу, аңды юғалтыу кеүек билдәләре барлыҡҡа килһә, мөмкин тиклем тиҙерәк «Ашығыс ярҙам» саҡыртығыҙ.

Һағыҙаҡ саҡҡанда беренсе ярҙам саралары:

• Ҡул аҫтында булған аллергияға ҡаршы дарыуҙы эсергә;
• Тешләнгән урынды шулай уҡ ҡул аҫтында булған саралар ( нашатыр спирты, йод иретмәһе йәки һыу менән ҡушылған йод) менән эшкәртергә. Ағыуҙы һығырға ярамай, ҡанға инфекция индереүегеҙ ихтимал.
• Шешен кәметеү өсөн һағыҙаҡ саҡҡан урынға боҙ киҫәге йә берәй һыуыҡ әйбер һалырға кәрәк.