+22 °С
Ямғыр
Яңылыҡтар таҫмаһы
30 Июль 2024, 11:30
Бурысты кемдән түләтергә?
2018 йылда улым өйләнгәс, уларға дөйөм ятаҡтан бүлмә алып бирҙем һәм улымдан ул аҡсаны бурысҡа алыуы тураһында рассписка яҙҙырып алдым. Былтыр улар торлаҡ шарттарын яҡшыртыу өсөн бүлмәне һатып, айырым йорт һатып алды. Аҡсалары етмәгәс, тағы ла ике миллион һум аҡса бирҙем дә, рассписка алдым. Быйыл улар айырылышырға ҡарар итте һәм килен улымдан аҡса талап итә, йортто суд аша икеһенә бүлеү менән янай. Уртаҡ балалары юҡ. Биргән аҡсаларҙы кире ҡайтарыу өсөн мин кемде судҡа бирә алам: улымдымы (расписка уның исеменә генә яҙылған), әллә икеһен дәме?
Бурысты кемдән түләтергә?
– Һеҙ дәғүәне улығыҙға ла, уның ҡатынына ла бирергә хоҡуғығыҙ бар. Киленегеҙ мөлкәтте бүлдереүенән ҡурҡмағыҙ: бергә йәшәгән осорҙа алынған мөлкәт менән бергә бурыстар ҙа өлөшкә иҫәпле рәүештә бүленә. Йәғни, уларҙың балалары булмағас, һәр береһенә ½ өлөш тура килә. Әммә шуны иҫтә тоторға кәрәк: бурысҡа алынған аҡсаны ғаилә ихтыяждары өсөн тотонолған осраҡта ғына икегә бүлеүҙе талап итеп була. Ә һеҙҙең осраҡта ундай ҡыйынлыҡтар булмаясаҡ. Сөнки һеҙ биргән аҡсаны ҡушып, улар айырым йорт алған.
Һеҙҙең осраҡта бер генә ауырлыҡ бар: 2018 йылда алған распискағыҙ ғәмәлгә яраҡһыҙ. Был документ өс йылдан үҙ көсөн юғалта. Ә бына ике миллион һумды улар икәүләп түләргә тейеш.
Һорауҙарға 1-се категориялы адвокат Артур БӘДӘМШИН яуап бирҙе.
