Белорет районындағы хәл буйынса

- Инйәр ауылында бер нисә участканы өлөшләтә һыу баҫҡан, Инйәр ауыл советы биләмәһендәге тораҡ пункттарҙа күперҙәр эргәһендә юл япмаһы юйылған, Инйәр-Арышпар юлы аша һыу ағып сыҡҡан, күпер йыуылған, - тип белдерә хакимиәт башлығы. - Хеҙмәттәр даими мониторинг алып бара, электр селтәрҙәре белгестәре хәл-торошто күҙәтә, электр энергияһының оҙаҡ өҙөлөүенә юл ҡуймаҫ өсөн, бағаналарҙы нығыталар. Әле һыу кимәленең түбәнәйеү тенденцияһы күҙәтелә. Бөтә ыңғай барһа, 24 сәғәт эсендә йылғаларҙың түбәнәйеүе көтөлә. Һыу кәмегәс тә ремонт-тергеҙеү эштәре башланасаҡ.

Әйткәндәй, был турала алдан яҙып, сәфәрҙәрҙе кисектереп тороуҙы һорағайныҡ: https://ye102.ru/news/ya-yly-tar-ta-ma-y-netu/2024-06-29/s-f-r-r-e-kisekterep-toro-o-3829067

Фото: А.Иванютаның социаль селтәрҙәге сәхифәһенән.