Көлөп алайыҡ әле!

25 йәштән 75 йәшкә тиклемге ир-егеттәр йыйылған. Кәңәшләшкәндәр ҙә, һәр береһе ҡатынына телефон аша " Мин һине яратам! " тигән смс-хәбәрҙе ебәрергә булған. 25 йәшлек ирҙең ҡатыны: "Мин дә һине яратам!" - тип яуап яҙған. 35 йәшлек иргә: "Бөгөн дә эстеңме?!"- тигән яуап килгән. 45 йәшлек ир: "Һиңә нимә булды? Һөйәркәләреңде иҫләп ултыраңмы!?" - тигән яуап алған. 55 йәшлек иргә ҡатыны: "Һин берәйһенең номеры менән яңылышманыңмы ул?" - тип яҙып ебәргән. 65 йәшлеккә: "Пенсияла ултыраһың, эшләмәйһең, ҡыйығың китеп бара шикелле", - тигән яуап булған. 75 йәштәгеһенең әбейе улын саҡырып алған да: "Улым, атайың бөтөнләй насарлаған, тиҙҙән китеп барыуы ихтимал. Бер-ике һарыҡты һимертеүгә ҡуй. Әҙер торайыҡ", - тигән ти.

Көлөп алайыҡ әле!