+25 °С
Ясно
Яңылыҡтар таҫмаһы
18 Июня 2024, 11:00
"Изгелек ҡыл" ойошмаһының һабантуйы гөрләй
Тап ошо минуттарҙа Учалы ҡалаһында Регина Абзалова етәкләгән "Изгелек ҡыл" ойошмаһының һабантуйы үтә. Һаулыҡ мөмкинлектәре сикле булыуға ҡарамаҫтан, тулы ҡанлы тормош менән йәшәргә ынтылған көслө рухлы кешеләргә һоҡланып бөтөрлөк түгел. Афарин!
"Изгелек ҡыл" ойошмаһының һабантуйы гөрләй
Бөгөн көн шундай матур, ҡояш ҡыҙҙырмай, шуға ла һаулыҡ мөмкинлектәре сикләнгән балалар һәм өлкәндәр рәхәтләнеп ял итә. Сағыу концерт номерҙары ҡуйыла, уйындар, күргәҙмәләр, оҫталыҡ дәрестәре ойошторолған, бәлеш, былау еҫтәре танауҙы ҡытыҡлай... Күңелле!
"Изгелек ҡыл" ойошмаһы 2016 йылда ойошторолған. Һабантуйҙы улар 2017 йылдан алып йыл һайын уҙғара. Бынан тыш та уларҙың ойошторған эштәре бихисап.
Бик күп изге эштәр башҡарған автономиялы коммерцияға ҡарамаған ойошманың рәсми сәхифәһе: https://vk.com/dari_dobrouchaly
Фото: автор.
"Изгелек ҡыл" ойошмаһының һабантуйы гөрләй
