Һыу менән тәьмин итеүҙе бөгөн яйға һаласаҡтар

Учалы районы хакимиәтенән хәбәр итеүҙәренсә, 9 июндә киске сәғәт 8-гә Учалы ҡалаһының Ленин, Сибай урамдарындағы күп фатирлы йорттарҙа һыуыҡ һыу менән тәьмин итеү тергеҙелгән. Тәүтөҙөүселәр урамы, Иманғол урамы, Учалы ҡалаһының 3-сө микрорайоны буйынса ла һыу бар - улар һыу үткәргестең резервтағы икенсе линияһы менән тәьмин ителгән. 10 июндә өҙөклөктө бөтөрөү буйынса эштәр дауам итә. Һыу менән тәьмин итеүҙе 10 июндә көндөҙгө сәғәт 2-лә тергеҙеү планлаштырыла. "Учалыводоканал" муниципаль унитар предприятиеһы график буйынса автоцистерналар менән һыу ташыуҙы ойоштора.

Фото: асыҡ сығанаҡтарҙан.