+21 °С
Болотло
Яңылыҡтар таҫмаһы
3 Июнь 2024, 10:51
Курьер - 18 йәшлек студент
Өфөнән 79 йәшлек ҡатынға ялған "хоҡуҡ һаҡлау органдары хеҙмәткәрҙәре" шылтыратып, иҫәбенән аҡсаны алырға ла, һуңынан сумманы хәүефһеҙ иҫәпкә күсереү өсөн курьерға тапшырырға өгөтләй. Был турала бер кемгә лә һөйләмәҫкә ҡушалар (йәнәһе лә, "тикшереү бара"). Аферистар менән телефон аша бәйләнештә ҡалған ҡатын банк офисына барып, ике миллион һумдан ашыу аҡсаһын ала ла, курьерға тапшыра.
Курьер - 18 йәшлек студент
Эске эштәр министрлығының Башҡортостан Республикаһы буйынса енәйәтте тикшереү идаралығы хеҙмәткәрҙәре Рәсәй Эске эштәр министрлығының Өфө ҡалаһы буйынса идаралығы хеҙмәткәрҙәре менән берлектә эш алып бара. Өфөлә үткәрелгән саралар һөҙөмтәһендә курьерҙың шәхесе асыҡланған. Ул ҡаланың колледжында белем алған 18 йәшлек студент булып сыға. Егеттең һүҙҙәре буйынса, ул эште интернетта тапҡан, әбейҙең аҡсаһын алыу өсөн таксиҙа килгән. Аҡсаның бер өлөшөн үҙенә ҡалдырып, ҡалғанын "эш биреүселәргә" ебәргән. Әлеге ваҡытта был факт буйынса Рәсәй Федерацияһы Енәйәт кодексының 159-сы статьяһы буйынса енәйәт эше ҡуҙғатылған. Полиция хеҙмәткәрҙәренә ғәйепләнеүсенең Башҡортостан Республикаһы территорияһында башҡа шундай уҡ енәйәттәрҙә ҡатнашлығы бармы-юҡмы икәнен тикшерергә кәрәк, тип Рәсәй Эске эштәр министрлығының Өфө ҡалаһы буйынса идаралығының матбуғат хеҙмәте хәбәр итә.
Фото: Рәсәй Эске эштәр министрлығының Өфө ҡалаһы буйынса идаралығының матбуғат хеҙмәте.
Курьер - 18 йәшлек студент
