Рәсәй Ғәҙәттән тыш хәлдәр министрлығының социаль реклама форумы

- Беҙҙең маҡсат - хәүефһеҙлеккә ҡарашты үҙгәртеү, сәләмәт йәшәү рәүеше йәки экология өсөн көрәш кеүек яңы тренд булдырыу. Берлектәге тырышлыҡтарыбыҙ граждандарыбыҙҙың хәүефһеҙлеген арттырыу эшендә яңы ҡарарҙар ҡабул итергә һәм стандарт булмаған алымдар табырға мөмкинлек бирәсәгенә ышанам, - тине Рәсәй Ғәҙәттән тыш хәлдәр министрлығы башлығы, ҡатнашыусыларға мөрәжәғәт итеп.

Улар араһында эксперттар һәм социаль реклама таратыусылар, психологтар, киң мәғлүмәт саралары вәкилдәре һәм студенттар бар. Александр Куренков һүҙҙәренсә, хәүефһеҙлек мәҙәниәтен пропагандалау - был ижади йәштәр өсөн үҙ мөмкинлектәрен тормошҡа ашырыуҙың тағы бер мөмкинлеге, шул уҡ ваҡытта мөһим дәүләт бурысын үтәү.

"Йәмғиәт хәүефһеҙлеге - ул дәүләт бурысы һәм уны бер ведомство сиктәрендә хәл итеү мөмкин түгел, шуға күрә һеҙҙең белемегеҙ, оҫталығығыҙ, креативлығығыҙ һәм яңы ҡарашығыҙ кәрәк", - тине Рәсәй Ғәҙәттән тыш хәлдәр министрлығы башлығы. Форумда социаль өлкәләге иң яҡшы коммуникация практикалары тикшерелде. Фекер алышыуҙар һәм презентациялар менән бер рәттән экспресс-креатив ойошторола: ҡатнашыусылар көнкүрештә янғындарҙы иҫкәртеү буйынса ғәҙәти булмаған реклама идеяларын булдыра. Социаль реклама форумы "Комплекслы хәүефһеҙлек-2024" XV Халыҡ-ара салонының эшлекле программаһы сиктәрендә үтте.

Фото: МЧС РБ.