+22 °С
Ямғыр
Яңылыҡтар таҫмаһы
21 Май 2024, 14:30
Тиреләге таптарҙан ҡотолоу өсөн
Ҡатын-ҡыҙҙарҙың да, ир-егеттәрҙең дә билдәле бер йәштә тиреһендә таптар барлыҡҡа килә башлай. Уларҙан баҡсала үҫкән үләндәр ярҙамында ҡотолоп була. Мәҫәлән, йәй көнө петрушканан битлектәр яһарға мөмкин.
Тиреләге таптарҙан ҡотолоу өсөн
- Петрушканы ит турағыста йәиһә блендер менән ваҡларға һәм шул массаны алдан таҙартылған биткә һылап, 20 – 30 минут тоторға. Һуңынан битте һалҡын һыу менән йыуып алырға кәрәк.
- Бер ҡалаҡ ваҡланған петрушкаға 1 ҡалаҡ бал менән 1 балғалаҡ лимон ҡушып бутарға һәм биткә һылап, 15 – 20 минут тоторға.
- Петрушка һутына һөт ҡойоп, кемдең тиреһе ҡоро, һөт урынына – ҡаймаҡ, майлы тире өсөн кефир алып, 15 минутҡа биткә һөртөргә. Бындай битлек таптарҙы тулыһынса бөтөрмәһә лә, тирене нығыта.
- Биттең тиреһен ағартыу өсөн лимон менән керән һутын да файҙаланалар. Уларҙы 1:1 нисбәтендә ҡаймаҡ менән бутайҙар. Лимон һуты булған ҡатнашманы 15 – 20 минутҡа биткә һыларға мөмкин, ә керән һуты менән – 5 минутҡа.
- Тире өсөн балан емеше лә файҙалы. Балан емешенә ҡайнар һыу ҡойоп, ярты сәғәт төнәтергә һәм һуңынан битте йыуырға, компрестар эшләргә мөмкин.
