Ғайса Ишмөхәмәтов:
"Ҡыҙыл китап"ҡа индерелгән алтынбаш сәскәһен баҡсама былтыр алып ҡайтып ултырттым, ә быйыл сәскә атып ҡыуандырҙы. Бала-сағымдың, тыуған яғымдың, йәшлегемдең алтын сәскәһе оҙаҡ йылдар юғалып торҙо... Беҙ йәнә бергә, башҡаса юғалтмам.
Орлоғон сәсеп күбәйә, ләкин 9-сы йылында ғына сәскә атасаҡ. Бүлеп, күсереп ултыртһаң, тейешле шарттарҙа икенсе йылына сәскәһе, хуш еҫе менән ҡыуандырыр.
Һәр кемдең үҙ сәскәһе, үҙ юлы был тормошта.
Май айының ҡарына, ҡырауҙарына, һалҡынына бирешмәй алтын нурҙарын сәсеп ултыра бирә. Бөтәбеҙҙең дә баш эйгән саҡтарыбыҙ була, алтынбаш та бер көн анау һыуыҡта баш эйеп алды, ләкин бирешмәне.
"Матурлыҡ донъяны ҡотҡарыр!" - тигән аҡыл эйәһе. "Ҡотҡармаһа ла бер аҙ ҡотайтыр, йылытыр!" - тип әйткем килә. Шулай бит, дуҫтар!
Фото: https://vk.com/id678020109
