Бер районда 400 маскировка селтәре үргәндәр!

Архангел районы уңғандарының яҡташтарыбыҙға ярҙамы был. БР Дәүләт Йыйылышы - Ҡоролтай депутаты, эшҡыуар, МХО-ға даими ярҙам йыйып алып барыусы, гәзитебеҙ редколлегияһы ағзаһы Тимерғәли Ураҙғолов социаль селтәрҙә яҙыуынса, маскировка селтәрен башлыса яугир әсәләре, ҡатындары, туғандары, ғөмүмән, битараф булмаған һәр кем үрә. Ир-егеттәр станок, стойкалар яһап биргән.

Архангел волонтерҙары Өфөгә барып, махсус уҡып та ҡайтҡан - хәҙер улар селтәрҙе ыһ та итмәй үреп ҡуя. "Районда 10 цех эшләй", - тип яҙған Тимерғәли Ураҙғолов.

Донъялар тынысланһын! Яугирҙар тыуған яҡтарына имен-аман әйләнеп ҡайтһын!

Фото: Тимергали Уразгулов (vk.com)