Иғтибар: эҙләү!

Урманға барған саҡта мотлаҡ телефондарҙың заряды тулы булһын, тип гел дә иҫкәртәбеҙ, әммә ҡолаҡ һалыусылар һирәк. Кисә киске сәғәт туғыҙынсыла ашығыс хеҙмәттәргә ир менән ҡатындан хәбәр килә: улар Ирәмәл итәгендә, Байһаҡал менән Әбделҡасим араһында, бәләгә тарый - "Нива" машиналары бата. Йәйәүләп Учалы яғына ҡайтырға сығалар. Телефондарының заряды бик аҙ ҡалған була. Шулай ҙа үҙҙәренең яҡынса ҡайҙа икәнен, усаҡ яғыуҙарын хәбәр итеп өлгөргән ҡалай ҙа. Учалы һәм Белорет ҡотҡарыусылары, Магнитогорск эҙәрмәндәре уларға ярҙамға ашыҡҡан. Төнгө сәғәт берҙә уларҙы ҡотҡарыусылар эҙләп табып, алып ҡайтты. 

Хәүефһеҙлек ҡағиҙәләрен онотмағыҙ, дуҫтар! Юғалмағыҙ!

Фото: асыҡ сығанаҡтарҙан.