+12 °С
Облачно
Яңылыҡтар таҫмаһы
25 Апреля 2024, 11:00
"Еңеү салюты!" фестивале эшен дауам итә
Республика халыҡ ижады үҙәгенә шундай шәп сара ойоштороп уҙғарыуҙары өсөн оло рәхмәт! Тиҫтәләрсә, йөҙҙәрсә кешене берләштерә, бихисап таланттарҙы аса был фестиваль.
"Еңеү салюты!" фестивале эшен дауам итә
23-24 апрелдә сираттағы зона ҡарауҙары Белорет районында, Бөрйән районында һәм Межгорье ҡалаһында үтте.
Белорет районы - "Хәтер китабы: Улар Еңеү менән ҡайттылар", Бөрйән районы - "Мәңгелек хәтер", Межгорье - "Һин иҫтә тот! Бер ҡасан да онотма!" концерт программаларын әҙерләгән.
Учалы районының ижади коллективтары ла Бөйөк Еңеүҙең 80 йыллығына арналған "Еңеү салюты!" республика халыҡ ижады фестивалендә әүҙем ҡатнашып, "Утыңды һүндермәйсә, мине көт..." тигән театрлаштырылған тамаша менән сығыш яһаны.
Сюжет нигеҙендә - Учалы районы Ҡорама ауылынан Ильясовтар ғаиләһе яҙмышы.
Йөрәккә үтерлек итеп уйнаны, дөрөҫөрәге, геройҙарыбыҙҙың тормошо менән йәшәне сәхнәлә һәүәҫкәр артистар (режиссеры Фәнис Кәримов, режиссер ярҙамсыһы БР атҡаҙанған мәҙәниәт хеҙмәткәре Ғаяз Ибраһимов).
Коллективтарҙың программаларын Республика халыҡ ижады үҙәгенән компетентлы жюри баһалай: халыҡ ижады бүлеге мөдире, БР атҡаҙанған мәҙәниәт хеҙмәткәре Эльвира Әхмәтйәнова, йыр-хор жанры буйынса төп белгес Наталья Кондакова, театр сәнғәте буйынса төп белгес Эльвира Дәүләтбирҙина, төп методист Айгөл Зарипова.
Фестиваль көндәрендә бөтәһе 875 һәүәҫкәр артист, 1240 тамашасы ҡатнашҡан.
Фестиваль тураһында мәғлүмәттәр рәсми төркөмдә яҡтыртыла: https://vk.com/salut_pobedy_bashkortostan
Фото: https://rcntrb.com/ru/news/9644-respublikanskij-festival-narodnogo-tvorchestva-salyut-pobedy-prodolzhaet-svoe-shestvie-po-bashkortostanu
"Еңеү салюты!" фестивале эшен дауам итә
