Депутаттар тамашасыларҙың хәүефһеҙлеген хәстәрләй

Башланғыс авторҙары – беренсе вице-спикер Александр Жуков, мәҙәниәт буйынса комитет рәйесе Елена Ямпольская һәм хәүефһеҙлек буйынса комитеты рәйесе Василий Пискарев. Улар “Мәҙәниәт тураһында РФ ҡануниәте нигеҙҙәре” Законына үҙгәрештәр тәҡдим итә. Документҡа ярашлы, күмәк тамашасы өсөн сараларҙы ойоштороу һәм үткәреүҙә йәмәғәт хәүефһеҙлеген тәьмин итеү тураһында статья өҫтәлә. Тамашаны ойоштороусылар сара үтәсәк урынды хәүефһеҙлек талаптарына ярашлы әҙерләргә бурыслы. Ойоштороусы менән бина милексеһе араһында махсус килешеү төҙөлөргә тейеш. Унда хәүефһеҙлекте тәьмин итеү тураһында пункт мотлаҡ теркәлә. Бынан тыш, хоҡуҡ һаҡлаусыларға ла хәбәр ителә, субъекттың юғары органына, башҡарма власть органдарына кәм тигәндә 30 көн ҡала сараның темаһы, урыны, ваҡыты, ҡатнашыусыларҙың, тамашасыларҙың яҡынса һаны тураһында мәғлүмәт ебәрелә.

Авторҙар был закон проектының ҡабул ителеүенә өмөтләнә. Шул сағында проект хаҡында тулыраҡ беләсәкбеҙ.