Ә һеҙгә “күк килде”ме?

Апрелдә тәүге йәшен һуңлаңҡыраһа, йәй эҫе була.

Баҡһаң, беренсе күк күкрәүгә тиклем баҡалар баҡылдамай икән. Сөнки йоҡлайҙар. Ә күкрәү уларҙы уята.

Әгәр иртән күк күкрәгәнен ишетһәң, йәй ғәҙәти була. Кис йә төнөн күкрәһә – аномаль йәйҙе көт.

Тәүге йәшен йә күк күкрәүе төньяҡтан күренһә (ишетелһә), йәй һалҡынса була, көньяҡтан – йылы.

Әгәр иртә менән күк күкрәп, ямғыр яумаһа, кискә көн боҙола.

Тәүге күкрәү һәм йәшен дүшәмбелә булһа, аҙна тыныс булмауы ихтимал.

Шишәмбелә – йәй йылы килә.

Шаршамбыла – кәбеҫтә ултыртыу өсөн яҡшы.

Кесе йома – тимәк, артабан да йәшендәр буласаҡ.

Йома – муллыҡҡа ишара.

Шәмбе – балыҡ шәп ҡабасаҡ.

Йәкшәмбе – ғаилә бәхетенә уңай.

Әйткәндәй

Тәүге күк күкрәү мәлендә урамда (тышта) булһаң, депрессиянан ҡотолаһың, тигән инаныу ҙа бар.

Бәғзеләр хатта ергә ятып аунай. Йәнәһе, күк килгәндә, ауырыу-сырхауҙар ергә китә.