Толкачев Семигин менән осрашты

Константин Толкачев республика парламентында «Ғәҙел Рәсәй – Патриоттар – Дөрөҫлөк өсөн» фракцияһының эшен билдәләп үтте.
– Фракцияла көслө, әҙерлекле депутаттар составы булдырылған. Хеҙмәттәшлегебеҙ менән ҡәнәғәтбеҙ, беҙҙең арала конструктив мөнәсәбәттәр булдырылған, – тине Дәүләт Йыйылышы Рәйесе.
Осрашыуҙа ҡатнашыусылар шулай уҡ дәүләт милли сәйәсәтен тормошҡа ашырыу мәсьәләләре буйынса фекер алышты.
Геннадий Семигин «Рәсәйҙең дәүләт милли сәйәсәтен үҫтереү буйынса саралар тураһында»ғы юл картаһы проектын тәҡдим итте.
Осрашыуҙа шулай уҡ Дәүләт Йыйылышының Дәүләт төҙөлөшө һәм урындағы үҙидара буйынса комитеты рәйесе, «Ғәҙел Рәсәй – Патриоттар – Дөрөҫлөк өсөн» сәйәси партияһы фракцияһы етәксеһе Владимир Нагорный ҡатнашты.

Фото һәм сығанаҡ: gsrb.ru