Шәкәр диабеты менән ауырыусыларға ҡайын һуты эсергә яраймы?

 Әммә уның составында шәкәр ни бары 0,5 – 2 процент ҡына. Уныһының да күп өлөшө  фруктоза.  Витаминдарға һәм тере кислоталарға бай был һут шәкәр диабеты менән ауырыусыларға үтә лә файҙалы. Шуға күрә, эсергә яраймы, юҡмы, тигән һорауға яуап бер – эсергә кәрәк! Өҫтәүенә, уның составында булған фруктоза тәбиғи шәкәрҙән күпкә яҡшыраҡ. Шунлыҡтан уны 2-се типтағы шәкәр диабеты менән ауырыусыларға ла эсергә мөмкин.

Был эсемлектең иң төп шифаһы – составындағы калий. Ул йөрәк-ҡан тамырҙары системаһына ыңғай йоғонто яһап, организмда матдәләр алмашыныуына булышлыҡ итә. 

2-се типтағы шәкәр диабеты менән ауырыусыларға ҡайын һутының яңы ғына алынғанын эсергә кәрәк.  Көнөнә күпме эсергә, артыҡ сикләүҙәр юҡ. Шулай ҙа көнөнә 500 – 600 мл етәлер.  Иң яҡшыһы – уны ашар алдынан эсергә.  Диабет менән ауырыусыларға берҙән-бер генә – аллергия. Ә аллергия самаһыҙ ҡулланыуҙан ғына булыуы ихтимал. Ҡайын һутын күпләп ҡулланғанда ашҡаҙан-эсәк трактына, тирегә, эндокрин системаһына кире йоғонто яһауы мөмкин. Шунлыҡтан, ҡулланыр алдынан табип менән кәңәшләшеү зыян итмәҫ.