Аҙна башында БР Хөкүмәтендә үткән кәңәшмәлә яңғыраған төп белдереүҙәр

- Радий Хәбиров Владимир Путин менән осрашыуҙың ябыҡ өлөшөндә Һуғыш ветерандары госпитален, Лидерҙар мәктәбен һәм Өфөнө Көньяҡтан урау юлын төҙөүҙә ярҙам алыуы хаҡында һөйләне.

 - Өфөлә үтәсәк Халыҡ – ара спорт форумының яҡынса датаһы - 17 октябрь.

- Башҡортостан Белгород өлкәһенән 498 баланы ҡабул итте, уларҙы Илеш һәм Әбйәлил райондары лагерҙарына урынлаштырасаҡтар. Радий Хәбиров фронт янындағы биләмәлә ҡамалған балаларға тейешле иғтибар биреүҙәрен һораны.

- Палестинанан төбәккә һигеҙ кеше килде.

- Башҡортостан Сүриәгә һәм Ырымбур өлкәһенә гуманитар ярҙам ебәрҙе. Ә Ырымбурҙа республиканан ҡотҡарыусылар отряды көслө ташҡын эҙемтәләрен бөтөрөргә ярҙам итә.

- БР Башлығы район башлыҡтарын яҙғы-йәйге миҙгелгә әҙерлек ҡәнәғәтләнерлек булмауы һәм тораҡ пункттарҙы йыйыштырыуы өсөн тәнҡитләне. Башҡортостан башлығының шәхси ҡушыуына ҡарамаҫтан, Әлшәй, Йылайыр, Краснокама һәм Нуриман райондарында һыу һибеү машиналары һатып алынмаған. 

- 27 апрелдән республикала янғынға ҡаршы режим индерелә. Радий Хәбиров Дәүләт Йыйылышы-Ҡоролтай спикеры Константин Толкачевтан законһыҙ ут тоҡандырған өсөн штраф күләме етерме-юҡмы икәнлеген өйрәнеүен һораны. "Беҙҙә бик эҫе йәй көтөлә һәм шуға ярашлы янып торасаҡбыҙ. Шуға күрә әҙер булырға кәрәк " - тип өҫтәне Радий Хәбиров

- Өфө аэропорты тәүгеләрҙән булып Өфөнөң 450 йыллығына төҙөлгән иң ҙур объекттарҙың береһен файҙаланыуға тапшырҙы. Ике терминалды берләштергән ҡыйыҡты ваҡытынан 1,5 ай алдараҡ асалар. Ул "Ҡанаттар" премияһында еңеү килтерҙе лә инде.