Таш ауырыуы менән яфаланыусыларға һуған ярҙам итер

  Бының өсөн 2 кг башлы һуғанды  ҡабығынан таҙартып, ваҡ ҡына итеп турарға йәки ҡырғыстан ҡырырға һәм 2 кг шәкәр ҡушып бутарға.  Һуңынан  ике сәғәт талғын утта быҡтырырға.  Көймәһен өсөн болғатып торорға онотмағыҙ.  Кәстрүл урынына табала бешерһәгеҙ, тағы ла  яҡшыраҡ.

2 – 2,5 л гәрәбә төҫөндәге масса килеп сығыр. Уны банкаларға тултырырға һәм көнөнә өс тапҡыр ашарҙан алда берәр ҡалаҡ ҡабып, артынан һыу эсергә.   Онотмаҫ өсөн бер банканы өҫтәлгә ҡуйырға, ҡалғанын – һыуытҡысҡа.

Бөтә әҙер ҡатнашма өс аҙнала ашалып бөтә. Ике – биш көндән һейҙек анализында ҡом һәм бәләкәй таштар күренер. Таштар онталыу һөҙөмтәһендә ауыртыу барлыҡҡа килеүе ихтимал. Әммә дауаны эсеүҙе туҡтатмағыҙ.

Фәйрүзә.

Күмертау ҡалаһы.