+22 °С
Ямғыр
Яңылыҡтар таҫмаһы
12 Апрель 2024, 10:00
Сәйҙәрегеҙ тәмле лә, файҙалы ла булһын!
Сәйгә төрлө үләндәр һәм тәмләткестәр ҡушҡанда уның шифаһы ла арта.
Сәйҙәрегеҙ тәмле лә, файҙалы ла булһын!
- Әнис. Тамаҡ ҡысытып ауырта башлау менән уның емештәрен сәйгә ҡушыу файҙалы. Йүтәл башланғас та ошондай сәй эсергә мөмкин, тиҙерәк һауығырға ярҙам итә.
- Йәсмин. Ул хәлһеҙлектән, хроник арығанлыҡ билдәләренән арынырға ярҙам итә. Гипотониктарҙың ҡан баҫымын күтәтә, аппетитты аса.
- Имбирь. Тамырын ҡырғыстан үткәреп, эҫе һыу ҡушып, бешерергә йәки киҫәктәрен сәйгә ҡушырға мөмкин. Бындай сәй өшөгәндә йылыта, матдәләр алмашыныуын көйләй, кәйефте күтәрә.
- Календула. Сәскәһе һәм орлоҡтары бактерияларға ҡаршы тороу һәләтенә эйә, ангинанан һәм һалҡын тейгәндә файҙаһы тейә.
- Лаванда. Тынысландырыу көсөнә эйә булыу сәбәпле, йоҡоһоҙлоҡтан һәм невроздан бик файҙалы.
- Бөтнөк үләне. Уның хуш еҫле япраҡтарын ҡара сәйгә ҡушып бешергәндә, бик яҡшы тынысландыра. Шулай уҡ ашҡаҙан эшләмәгәндә, киҙеү һәм һалҡын тейеп температура күтәрелгәндә ярҙам итә. Бронхиттан йүтәлде һәм ялҡынһыныуҙы баҫа.
