Аҡса алыу еңелләшә

Хәрби хәрәкәттәр ветерандары айлыҡ түләүҙәрҙе ғаризаһыҙ алырға мөмкин. Тейешле закон проекты РФ Хөкүмәтендә хупланған һәм Дәүләт Думаһына ебәрелгән.РФ Федерация Советы рәйесенең беренсе урынбаҫары, махсус хәрби операция мәсьәләләре буйынса эшсе төркөм етәксеһе Андрей Турчак билдәләүенсә, хәрби хәрәкәттәр ветераны статусын алған күп кенә яугир әле махсус операция биләмәһендә хеҙмәт итә. Шуға күрә улар кәрәкле документтарын йыйып, закон буйынса билдәләнгән түләүгә ғариза бирә алмай. Яңы механизмға ярашлы, уларға аҡса автомат рәүештә күсәсәк.