+18 °С
Облачно
Яңылыҡтар таҫмаһы
4 Апреля 2024, 08:38
Ғаилә йылында ишле ғаиләләр тағы ла артһын
Ғаилә сәйәсәте, ғаиләне, әсәлекте һәм балалыҡты һаҡлау мәсьәләләре төп урынды биләй. «Башҡортостанда балалар һау-сәләмәт һәм бәхетле!» тигән принциптан сығып эш итәбеҙ. БР Премьер-министры Андрей Назаров Дәүләт Йыйылышы — Ҡоролтайҙа төбәк хөкүмәтенең йыллыҡ отчеты менән сығыш яһағанда шулай тине.
Ғаилә йылында ишле ғаиләләр тағы ла артһын
Башҡортостанда ғаиләләргә ярҙам итеү, һаулыҡты һаҡлау һәм үҙ-үҙеңде тормошҡа ашырыу өсөн төрлө шарттар булдырылырға тейеш.
- Күп балалыҡ йүнәлешен һаҡлау һәм арттырыу биш йыллыҡ эшебеҙҙең төп һөҙөмтәһе булды. Ил Президенты үҙенең Мөрәжәғәтнамәһендә билдәләүенсә, «ишле ғаилә йәмғиәттә нормаға әүерелергә, дәүләт стратегияһының йүнәлеше булырға тейеш». Бөгөн республикала 59 меңдән ашыу күп балалы ғаилә бар. Волга буйында был – беренсе, ә илдә 7-се урын. Маҡсатлы йүнәлеш – ошондай ғаиләләрҙең һанын 10% арттырыу, - тине Андрей Назаров.
