"Урал буйы" юл идаралығынан хәбәр итеүҙәренсә, күрше Силәбе өлкәһендәге шартлатыу эштәре дауам итеү сәбәпле, иртәгә юл иртәнге сәғәт 9-ҙан көндөҙгө 2-гә тиклем ябыла. Ойошмала асыҡлауҙарынса, фуралар һәм автобустар хәрәкәте Федоровка ауылынан Силәбе өлкәһе менән сиккә тиклем туҡтатылып тора (1480+000 - 1548+651 км). Еңел транспортҡа сикләүҙәр ҡағылмай.
Тимер юл аша сығыу урынында ремонт эштәренә бәйле Иглин-Красный Восход юлының 22+257 саҡрымында киске сәғәт алтынан сикләүҙәр индерелә.
Ташҡын һыуҙары кимәле күтәрелеүгә бәйле 3 апрелдә 16.00 сәғәттән Бишбүләк районында Дим йылғаһы аша күпер буйынса бөтә транспорт төрҙәре өсөн хәрәкәт сикләнә.
Айыт һәм Боголюбовка тораҡ пункттары аша урап үтергә мөмкин.
Фото: https://vk.com/udhrb