Төп бурысты ғына түләргә кәрәк буласаҡ

 Дәүләт Думаһы Рәйесе Вячеслав Володин билдәләүенсә, закон ҡабул ителгәндән һуң банктар ун көн эсендә заемсыға процент түләү буйынса бурыстың булмауы тураһында хәбәр итергә, шулай уҡ уға түләүҙәрҙең аныҡланған графигын ебәрергә тейеш.

«Әгәр граждан кредит каникулдары ваҡытында процент түләһә, банк был аҡсаны төп бурысты ҡаплауға йүнәлтергә бурыслы», — тип белдергән Вячеслав Володин.

Был ғүмерен ҡурҡыныс аҫтына ҡуйып, илебеҙ именлеге һағына баҫыусыларға өҫтәмә финанс ярҙам сараһы буласаҡ.