+23 °С
Ясно
Яңылыҡтар таҫмаһы
18 Марта 2024, 04:30
Үҫмерҙең ҡыуанысын бергәләп уртаҡлашайыҡ!
Интернетта үгеҙ менеп мал һуғарған малайҙың видеояҙмаһы йәшен тиҙлегендә таралғайны. Кисә «Ылаҡ» уйыны буйынса донъя чемпионы, Башҡортостандың Әбйәлил районы командаһы капитаны Ғәлим Яунбаев командалашы Илдар Ғирфанов менән Рысҡужа ауылында йәшәүсе үҫмер Илдар Мәһәҙиевҡа үҙенсәлекле бүләк яһаны.
- Был – беҙҙең ат спорты буйынса йыйылма команданан дөйөм бүләгебеҙ. Бөтә илебеҙҙең яҙмышы хәл ителгән көндә, үҫмерҙең тормошонда ла ыңғай үҙгәрештәр булһын, тип уйланыҡ. Ул яҡты киләсәккә ышанһын. Һәм, әлбиттә, үҫмерҙең ат спорты менән ҡыҙыҡһыныуын, күнекмәләрен, ваҡыт үтеү менән беҙҙең уйынсылар командаһына ҡушылыуын маҡсат итеп ҡуйған бүләгебеҙ. Илдар был айғырҙан яҡшы ат үҫтерә алыр, тип ышанам, - ти Ғәлим Шафиҡ улы.
