Радий Хәбиров милли проект аша ауыл-ҡалаларҙың нисек үҙгәреүен күрһәтте

"... 2019 йылдан алып федераль кимәлдән ярҙам аша Башҡортостанда 683 объектты – парктарҙы, скверҙарҙы, яр буйҙарын һәм башҡа йәмәғәт урындарын төҙөкләндерҙек. Тағы ла 123 - быйылғы планда. Унда төҙөлөш миҙгеле башланыу менән эштәр башланасаҡ.

Иң мөһиме, был программа буйынса төҙөкләндереү өсөн биләмәләрҙе халыҡ үҙе һайлай. Йыл һайын Рәсәйҙең Төҙөлөш һәм торлаҡ–коммуналь хужалыҡ министрлығы тауыш биреү үткәрә, уның йомғаҡтары буйынса еңеүселәр исемлеге билдәләнә. Тап шуларға федераль бюджеттан аҡса бүленә.

Бындай тауыш биреү быйыл да үтәсәк. Республика ҡала һәм райондарындағы 216 объекттан дөйөм тырышлыҡ менән 120-һен һайлаясаҡбыҙ. Унда ҡатнашыу өсөн 15 марттан 17-һенә тиклем бөтә республикала асыласаҡ тауыш биреү пункттарына килергә һәм йәмәғәт төҙөкләндереләсәк урынды һайларға кәрәк. Был пункттар исемлеге сайтта - https://vk.cc/cveo1C, https://t.me/FKGS2024_bot һәм https://vk.com/im?sel=-224717408 чат-боттарҙа бар. Уларҙың һәр береһендә ирекмәндәр эшләйәсәк, улар тауыш бирергә ярҙам итәсәк."