Ҡалҡан биҙенең торошон табипһыҙ ҙа тикшереп була

Ҡалҡан биҙенең сәләмәтлеген белеү өсөн “ахилл һеңере”н (ахиллово сухожилие) тикшерергә кәрәк. Әгәр кешелә ҡалҡан биҙе насар эшләһә (гипотиреоз), баяғы һеңер башҡа төрлөрәк реакция бирә.

Бәләкәй генә сүкеш менән “ахилл һеңере”нә һуғып ҡарарға. Был ваҡытта кеше эсендә ятырға, ә үксәһе ятаҡтан иҙәнгә төшөп торорға тейеш.

Ҡалҡан биҙе һау булған кешенең үксәһе тиҙ реакция күрһәтә – күтәрелә лә тиҙ генә төшә. Ә ауырыу биҙле кешенең күтәрелеүен күтәрелә лә, бик яй төшәсәк.