Юлай моңо өҙөлмәйәсәк!

Билдәле ҡурайсыны ҡотларға БР Мәҙәниәт министры Әминә Шафиҡова, Баймаҡ районынан яҡташтары, ғалимдар, уның уҡыусыһы, виртуоз ҡурайсы Роберт Юлдашев, интернат-мәктәпте тамамлаған дуҫтары, матбуғат вәкилдәре килгәйне. Улар Юлай Ғәйнетдиновтың башҡорт халыҡ ижадын һаҡлау һәм тулыландырыу өлкәһендәге хеҙмәтен юғары баһаланы, уға артабан да ижади уңыштар теләне. Шуныһы һөйөнөслө – бөгөн тәүге тапҡыр сәхнәгә мәшһүр ҡурайсының ейәне Азамат сығып, ҡурайҙа уйнаны. Тимәк, Юлай моңоноң дауамы бар!