Быйыл бушлай медицинала нимә үҙгәрә?

– Диспансерлаштырыуға С гепатитына антитәнсәләргә скрининг өҫтәлә. Ул 25 йәштән оло кешеләргә һәм ун йылға бер тапҡыр үткәрелә.

– Шулай уҡ 2024 йылдан диспансерлаштырыу барышында репродуктив сәләмәтлекте лә тикшерәсәктәр.  Бынан тыш, ҡыҙҙарға гинекологта тәүге консультация йәшен 14-тән 13-кә кәметеү күҙаллана.

– Быйыл дәүләт гарантияһы программаһында яңы йүнәлеш барлыҡҡа килә – медико-психология консультацияһы.  Махсус хәрби операцияла ҡатнашыусыларға һәм уларҙың ғаиләләренә,  ауырлы ҡатындарға,   бала табыусы пациенттарға айырым  иғтибар бирелә.

– Көндөҙгө  стационарҙа  дауаланыуға  сығымдар нормативы арта –  бер осраҡ өсөн 19,1 мең һумға тиклем.

– 2024 йылда  Мотлаҡ медицина страховкалау  программаһында «акушерлыҡ һәм гинекология», «педиатрия» һәм «йөрәк-ҡан тамырҙары хирургияһы»  профилдәре буйынса юғары технологиялы медицина ярҙамының өс яңы төрө барлыҡҡа киләсәк.

Хәҙер Мотлаҡ медицина страховкалау программаһының  төп программаһына инә:

• Аналыҡтағы миоманы, шулай уҡ плацентаның йәбешеп үҫеүе менән пациенткаларҙы дауалау буйынса төрлө операция, МРТ һәм УЗИ күҙәтеүе аҫтында балаятҡылығы  миомаһын  ЭМА дауалау.
• Балаларҙа трахеяның, ҡурылдайҙарҙың, үпкәнең тыумыштан килгән аномалияларын химиотерапия һәм ген инженерияһы биологик дауалау препараттарын ҡулланып, поликомпонентлы дауалау.
• Йөрәк ишемияһы ауырыуы булғанда, коронар ангиопластика һәм ҡан тамырына 1 – стент ҡуйып, стентлау