Кешене урлауҙа ғәйепләнеүсе ҡулға алынған

Полиция хеҙмәткәрҙәре һөжүм итеүсене һәм уның ҡорбанын Михайловка урамдарының береһендә таба. Ғәйепләнеүсе яҡынлашып килгән хеҙмәткәрҙәрҙе күреп ҡалып, ҡасырға маташа. Тиҙҙән ғәйепләнеүсене Рәсәй Тәфтиш комитетының территориаль бүлексәһенә алып киләләр, унда уға ҡарата кеше урлау тураһында енәйәт эше ҡуҙғатыла. Яҡынса мәғлүмәттәр буйынса, егеттәр элек бер ни тиклем аралаша, әммә ваҡиға алдынан юлдары айырыла. Тик хәл ителмәгән конфликт ҡала. Ғәйепләнеүсе элекке иптәшен эҙләп Михайловкаға килә. Улар урындағы магазиндарҙың береһендә осраша. Унда енәйәттә ғәйепләнеүсе ҡорбанына бысаҡ менән янап, танышының машинаһына ултырырға мәжбүр итә. Үҫмерҙе ҡуртымға алынған фатирға алып килә, шунда туҡмай. Һуңынан зыян күреүсенән туғандарына шылтыратып, "гонаһтарын аҡса менән ҡапларға" ҡуша. Бынан һуң ул такси саҡырып ала һәм зыян күреүсе менән урамға сығып, зыян күреүсенең туғанынан компенсация алырға бара. Әммә ҡатын туғанының енәйәт ҡорбаны булыуын аңлай һәм был хаҡта полицияға хәбәр иткән була. Әлеге ваҡытта ғәйепләнеүсе һаҡ аҫтында. Полиция енәйәт эшен тикшереүҙе оператив рәүештә дауам итә.

Фото: Башҡортостан Республикаһы буйынса Эске эштәр министрлығының матбуғат хеҙмәте.