Олимпиадала еңһәң, вузға инә алаһың

Ҡатнашыусыларға 24 предмет  буйынса олимпиада заданиеларын башҡара. Өфө командаһы исеменән дөйөм мәктәптәрҙән 8-11 класс уҡыусылары сығыш яһай.

Төбәк этабы Бөтә Рәсәй уҡыусылар олимпиадаһының өсөнсө этабы булып тора, ул 9-11 кластар өсөн әҙерләнгән заданиелар буйынса үткәрелә. Йыл һайын унда 100 меңдән ашыу уҡыусы ҡатнаша. Улар - 8-11 класс уҡыусылары олимпиаданың төбәк этабын ойоштороусы билдәләгән кәрәкле балл йыйған әлеге уҡыу йылының муниципаль этабында ҡатнашыусылар, шулай уҡ уҙған йылдың төбәк этабында еңеүселәр һәм призерҙар.

Иң белемле уҡыусылар олимпиаданың йомғаҡлау этабында ҡатнашасаҡ. Унда еңеү сығарылыш уҡыусыларына тейешле профиль буйынса имтиханһыҙ Рәсәйҙең алдынғы юғары уҡыу йорттарына инеү мөмкинлеген аса.