+22 °С
Ямғыр
Яңылыҡтар таҫмаһы
27 Декабрь 2023, 08:30
БИК МӨҺИМ: Мутлашыусыларға күсерелгән аҡса беҙгә ҡаршы тоҫҡалған ҡоралға китә
Муттар менән һөйләшеп, уларға аҡса күсерҙеңме? Маладис. Һин алданып, кредит һаҙлығына ғына батманың, ә илебеҙгә ҡаршы алып барылған яуызлыҡҡа үҙ өлөшөңдө индерҙең. Сөнки мутлашыусыларға күсерелгән аҡса беҙгә ҡаршы тоҫҡалған ҡоралға китә! “ФСБ”, “банк”, “элемтә операторы”, “тәфтишсе”, “брокер” һәм башҡа “хеҙмәткәрҙәр” шылтыратып, СМС-хәбәр яҙып, аҡсаңды “хәүефһеҙ иҫәпкә” күсерергә, инвестмайҙансыҡта өҫтәмә табыш алырға, “бәләгә тарыған яҡыныңды ҡотҡарырға” ҡуша икән – һөйләшеүҙе өҙ! Ят номерҙарҙан килгән шылтыратыуҙарға, СМС-тарға яуап бирмә! Юғиһә, ысын ФСБ менән эш итергә тура килеүе ихтимал. Улар телефон аша шылтыратып тормаясаҡ, өйөгөҙгә киләсәк. Был турала яҡындарығыҙҙы, күршеләрегеҙҙе, таныштарығыҙҙы иҫкәртегеҙ! Мәғлүмәтте таратығыҙ!
БИК МӨҺИМ: Мутлашыусыларға күсерелгән аҡса беҙгә ҡаршы тоҫҡалған ҡоралға китә
- 2023 йылдың ун айында телефон аферистары Башҡортостан халҡынан 2,6 миллиард һум аҡса урлаған, тәүлегенә, уртаса алғанда, 25 кеше алдана, - тип хәбәр итте матбуғат вәкилдәре менән һөйләшеү барышында БР буйынса Эске эштәр министры урынбаҫары, эске хеҙмәт генерал-майоры Евгений Полтавец.
Был аҡсаның бер бәләкәй генә өлөшө мутлашыусыларҙың үҙҙәренә була. Ҡалған суммалар ВСУ-ны финанслауға китә. Илебеҙҙе ҡаҡшатыу өсөн Көнбайыш кураторҙары идара иткән яҡшы көйләнгән тотош система эшләй. Шуға ла һаҡ булығыҙ!
Алданыусыларҙың 60 проценты - 29 йәштән алып 55 йәшкә тиклемге эшкә яраҡлы кешеләр: табиптар, уҡытыусылар, муниципалитет хеҙмәткәрҙәре, башҡа бюджет ойошмалары хеҙмәткәрҙәре. Зыян күреүселәр араһында республиканың ҙур предприятиелары, ойошмалары һәм ведомстволары етәкселәре лә байтаҡ. 65 йәштән өлкән пенсионерҙар был аяныслы рейтингта 28 процентты тәшкил итә, студенттар - 0,3 процент (сөнки уларҙың аҡсаһы юҡ). Енси яҡтан ҡарағанда, кибер енәйәтселәрҙең хәйләләренә ир-егеттәр йышыраҡ эләгә - 60 процент.
Фото: асыҡ сығанаҡтарҙан.
