Беҙҙең егеттәр — иң шәп программистар

  Был хаҡта Башҡортостан Башлығы Радий Хәбиров   телеграм-каналында хәбәр итә.

Улар «Ашығыс эҙләү» милли технологиялар конкурсында еңеү яулаған.Команда составына Сәлим Байгилдин, Илназ Фәтҡуллин һәм Тимур Иҙрисов ингән.  Улар  өсөһө лә башҡорт вуздарын тамамлаған.   Конкурс «ЛизаАлерт» эҙлә-ҡотҡарыу отряды һәм Мәскәү физика-техник университеты тарафынан ойошторолған.  Унда бөтәһе 12 команда ҡатнашҡан. Өфө егеттәренең  юғалған кешеләрҙе эҙләү буйынса программаһы   илдә иң яҡшыһы тип табылған.  

«Беҙҙең команда һөҙөмтәһе – беспилотниктар ярҙамында юғалған кешеләрҙе эҙләү өсөн нейроселтәр.  Хәҙер ул  "ЛизаАлерт" отряды ирекмәндәренә  еңел булмаған эштәрендә ярҙам итә ала.   Өфө егеттәре программаһы  төрлө урында йәшенгән 18 кешенең 16-һын таный алған.  Был – Рәсәй буйынса иң яҡшы һөҙөмтә. Афарин!” – тип яҙа Радий Хәбиров.  

Фото:Башинформ.