Ҡурҡыныс һандар артында кешеләрҙең яҙмышы...

Үткән тәүлектә 53 техноген янғын теркәлгән, шуларҙың 25-е торлаҡ секторында булған. Шул иҫәптән, Учалы, Шаран райондарында - йорттар, Белоретта, Борай районында - автомобилдәр, Асҡын районында - мунса, Өфөлә - машинаның мотор бүлеге, һарай, Туймазы районында - гараж, автомобиль, мунса, һарай, өйҙөң түбәһе, ҡыйығы, Баҡалы районында - өйҙөң ҡыйығы, Баймаҡта, Белоретта - мунсалар, Бәләбәйҙә - йылылыҡ кабеле, Өфөлә - төҙөлөш вагонсығы, йорт мөлкәте, Илеш районында машинаның мотор бүлеге янған.

Башҡортостандың Ғәҙәттән тыш хәлдәр буйынса дәүләт комитеты янғын хәүефһеҙлеге ҡағиҙәләрен үтәргә саҡыра:

- мейесте ҡарап ҡына яғығыҙ, үтә ҡыҙыу итеп яҡмауығыҙ хәйерле;

- электр йылытыу приборҙарының, электр үткәргесенең төҙөклөгөн күҙәтергә онотмағыҙ;

- бүлмәлә тәмәке тартмағыҙ;

- балаларҙы ҡарауһыҙ ҡалдырмағыҙ.

Үҙегеҙҙе һәм яҡындарығыҙҙы һаҡлағыҙ!

Фото: БР Ғәҙәттән тыш хәлдәр буйынса дәүләт комитеты.https://web.telegram.org/a/#-1001799078240