Салауат театры сәхнәһендә Ҡазандар сығыш яһай

Күптән түгел Салауат башҡорт дәүләт драма театрының Ҡазанда, Ғабдулла Кариев исемендәге Татар дәүләт йәш тамашасылар театры бинаһында гастроллдәре үткәйне. Сират - ҡазанлыларға!15 -17 ноябрҙә улар Салауат ҡалаһында сығыш яһай.

Ҡунаҡтар Башҡортостан тамашасыларына 15 ноябрҙә В. Шекспирҙың данлыҡлы "Ромео һәм Джульетта" драмаһының яңыса ҡуйылышын күрһәтә. Әйткәндәй, спектаклдең режиссеры - Шәйехзада Бабич исемендәге дәүләт йәштәр премияһы лауреаты, яҡташыбыҙ Илсур Ҡаҙаҡбаев.

16 ноябрҙә иһә сәхнәгә Ҡол Ғәлиҙең поэмаһы нигеҙендә ҡуйылған "Йософ" сыға. Рәүиә Мухина әҫәре буйынса сәхнәләштерелгән "Аҡ сәскәләр кеүек..." драмаһы ( ике спектаклдең дә режиссеры - Ренат Әюпов) 17 ноябрь көнө күрһәтелә.

Спектаклдәргә рәхим итегеҙ!