+21 °С
Болотло
Яңылыҡтар таҫмаһы
5 Ноябрь 2023, 09:15
Ишембайҙа ике парк төҙөкләндерелә
Ишембайҙа быйыл Башҡортостан нефтен беренсе асыусылар майҙанын төҙөкләндереү проектының икенсе этабы тормошҡа ашырылды. Был хаҡта социаль селтәрҙә Башҡортостан Башлығы Радий Хәбиров Ишембай районына сәфәре барышында һөйләне.
Ишембайҙа ике парк төҙөкләндерелә
"Вәғәҙә иткәнсә, Ишембайҙа, Башҡорт нефтен беренсе асыусылар майҙанында беҙ төҙөкләндереү эштәре алып барабыҙ. Ҡара һыҙат – ер аҫтынан сығарылған нефть образы.
Бында бөтә яҡтыртыу ҡорамалдарын үҙгәрттеләр, видеокүҙәтеү камералары ҡуйылды. Яҡындағы ике урамды төҙөкләндерҙек. Дөйөм алғанда, майҙан ҙур, яҡты буласаҡ.
Ә эргәлә парк, уны ишембайҙар бик ярата. Уны ла төҙөкләндерәсәкбеҙ. Дөйөм алғанда, Ишембай ҡалаһы үҙәгендәге Башҡортостан нефтен асыусыларҙың бөтә комплексын киләһе йылда тамамлаясаҡбыҙ», - тигән ул.
Фото: Башинформ.
