+21 °С
Болотло
Яңылыҡтар таҫмаһы
1 Ноябрь 2023, 14:00
«Атайымды һары сәсле ҡатын менән күрҙем дә...»
“Бер кисте әхирәттәрем менән кафеға килдек. Инеп ултырып, алан-йолан ҡаранһам, ни күрәм: атайым һары сәсле бер ҡатын менән көлөшә-көлөшә күңелле генә әңгәмә ҡорған. Мин былай тыныс кеше, тик был юлы түҙә алманым”, – тип үҙенең хәл-әхүәлен һөйләй Римма.
«Атайымды һары сәсле ҡатын менән күрҙем дә...»
Шулай итеп, Римма кафела атаһын ят ҡатын менән күрә. Ара улай уҡ алыҫ та булмай. Атай кеше ҡатын менән нимә тураһындалыр мөкиббән китеп һөйләшкәнлектән ҡыҙын шәйләмәй, ә ҡатын Риммаға арты менән ултырған. Үҫмер ҡыҙ ғәләмәт асыуланып китә лә, өҫтәлдәге бер стакан һыуыҡ һыуҙы алып барып теге ҡатындың башына ҡоя.
Ҡатын ҡысҡырып ебәрә һәм ҡыҙға ҡарай әйләнһә... Был юлы инде Римма нишләргә белмәй. Һуң, атаһы әсәһе менән кафеға килгән икән дә баһа! Әсәһе яңы ғына бөҙрәхананан сәсен һарыға буятып сыҡҡан, имеш. Эй, килешә үҙенә яңы прическаһы!
Риммаға өйҙә атаһынан арыу ғына эләгә, ә әсәһе маҡтап та ҡуя әле.
Ни өсөн, кем әйтә?
