Пенсия арта!

Рәсәйҙең финанс министрлығынан белдереүҙәренсә, 1 ғинуарҙан пенсиялар 7,5 процентҡа  индексацияланасаҡ (был фаразланған инфляция кимәле), шунан һуң уның уртаса күләме 23 244 һум булыр тип көтөлә. Бының өсөн бөтәһе 600 миллиард һум аҡса талап ителә.

Әлеге ваҡытта Башҡортостанда тәғәйенләнгән пенсияларҙың уртаса күләме 19 038 һумға етә. Был, уҙған йылдың ошо уҡ осорона ҡарағанда, 6,3 процентҡа  күберәк, былтыр пенсия 17 910 һум тәшкил иткән.

2023 йылдың 1 июненә ҡарата Башҡортостанда 1 139 315 пенсионер иҫәпләнгән. 2022 йылдың ошо айы менән сағыштырғанда уларҙың һаны 13,7 мең кешегә кәмегән.

Шул уҡ ваҡытта 172 мең пенсионер һаман эшләп йөрөй.