Бөгөндән Бөтә Рәсәй юл хәрәкәте хәүефһеҙлеге аҙналығы башлана

Башҡортостан Республикаһында тематик дәрестәр, конкурстар, викториналар, флешмоб акциялары үтәсәк.

Балаларҙың юл-транспортта йәрәхәтләнеүен иҫкәртеү буйынса саралар уҡыусылар һәм уларҙың ата-әсәләре, педагогик хеҙмәткәрҙәр, йәмәғәт, йәштәр, ирекмәндәр һәм башҡа ҡыҙыҡһынған ойошмалар вәкилдәре менән берлектә ойошторола.

Аҙналыҡ сиктәрендә (18 сентябрҙән 22-нә тиклем) түбәндәге саралар планлаштырылған: 

️- 2023 йылдың 19 сентябренән 15 октябренә тиклем Учи.ру онлайн-платформаһында 1-9 синыф уҡыусылары өсөн "Хәүефһеҙ юлдар" Бөтә Рәсәй онлайн-олимпиадаһы үтә dorogi.uchi.ru;

- 2023 йылдың 19 сентябрендә Учи.ру платформаһында, "Хәүефһеҙ юлдар" Бөтә Рәсәй онлайн-олимпиадаһын үткәреү сиктәрендә, юл хәүефһеҙлеге ҡағиҙәләре тураһында Бөтә Рәсәй асыҡ дәресе үтәсәк;

- 2023 йылдың 20 сентябрендә Дәүләт автоинспекцияһы хеҙмәткәрҙәре "Берҙәм юл хәрәкәте хәүефһеҙлеге көнө"н үткәрә. 

️Хөрмәтле юл хәрәкәтендә ҡатнашыусылар, һеҙгә Бөтә Рәсәй юл хәрәкәте хәүефһеҙлеге аҙналығы барышында ғына түгел, ә ғүмерегеҙ буйына юл хәрәкәте ҡағиҙәләрен үтәүҙең мөһимлеге тураһында иҫкәртәбеҙ. Юлда иғтибарлы һәм һаҡ булығыҙ!

Фото: БР ЮХХДИ.