46 пенсионер Абхазияға юлланасаҡ

Танышыу туры 46 кешенән торған төркөм өсөн планлаштырылған.

- Сәйәхәт тамамланғас, уның ҡатнашыусылары менән осрашырбыҙ, сәфәр тураһында фекер алышырбыҙ һәм "Башҡорт-абхаз оҙон ғүмерлелеге" проектын артабан тормошҡа ашырыу тураһында ҡарар ҡабул итербеҙ, - тип белдерҙе Андрей Назаров.

Абхазияла булған биш көн эсендә Башҡортостандан "көмөш" туристар Рица күленә, Сталин дачаһына барасаҡ, Яңы Афондың иҫтәлекле урындары менән танышасаҡ һәм, әлбиттә, Ҡара диңгеҙ буйында ял итәсәк.

- Беҙ, "Башҡорт-белорус оҙон ғүмерлелеге" программаһындағы кеүек, сәфәрҙең бер өлөшөн финанслайбыҙ. Турҙың дөйөм хаҡына "Өфө-Сочи-Өфө" авиарейсы, 4* ҡунаҡхананың ике урынлы номерында йәшәү, трансфер, экскурсиялар, иртәнге аш һәм страховка инә, - тип яҙа Башҡортостан премьер-министры. - Хәҙер рәсми сайтта махсус бүлек әҙерләнә, унда теләгәндәр ғариза ҡалдыра ала. Абхазияға турҙы бронләү мөмкинлеге тураһында өҫтәмә рәүештә хәбәр итербеҙ.

Фото: https://vk.com/agnazarov?w=wall555400080_8741.