Симит

Он – 600 г

Ҡоро сүпрә – 1 балғалаҡ

Тоҙ – 1 балғалаҡ

Шәкәр – 60 г

Ҡамыр ҡабартҡыс – 1 балғалаҡ

Һөт – 400 мл

Үҫемлек майы – 50 мл

Ошо аҙыҡ-түлекте бергә ҡушып (һөттө әҙ-әҙләп), ҡамыр баҫырға. Ҡул менән 10 минут баҫырға, ти белгестәр. Һәм 40 минутҡа ултыртып торорға.

100 грамм кунжутты ҡоро табала ҡыҙарғансы (1 – 2 минут) ҡыҙырырға.

Айырым һауытта 1 ҡалаҡ бал менән 6 ҡалаҡ һыуҙы бутарға.

Ҡамырҙы 9 – 10 өлөшкә бүлергә лә, оҙон итеп һуҙып, жгут яһарға һәм бублик формаһында тоташтырырға.

Симиттарҙы 1 балғалаҡ тоҙ һалынған 2 литр ҡайнар һыуҙа 30 секунд самаһы бешереп алырға.

Һуңынан уларҙы баяғы баллы һыуға һәм кунжутҡа манып, табаға йә формаға теҙергә лә 195 градус эҫелектәге духовкала 25 минут бешерергә.

Тәмле булһын!