Бомба шартлағандай бит...

Өйҙәре емерелеү сәбәпле урамда тороп ҡалған кешеләр төндө ваҡытлыса йәшәп тороу пунктында үткәргән. Ғәҙәттән тыш хәлдәр һәм янғын хәүефһеҙлеген тәьмин итеү буйынса комиссия ултырышы сиктәрендә уларға ярҙам итеү буйынса мәсьәлә ҡаралған.

Газ менән ҡулланыу ҡағиҙәләрен иҫегеҙгә төшөрәбеҙ:

- Газ ҡорамалдарын файҙаланғанда бинаны елләтергә һәм өҙлөкһөҙ һауа инеүҙе тәьмин итергә! Йәғни, газ ҡорамалдары эшләгән ваҡытта форточка МОТЛАҠ асыҡ торорға тейеш, сөнки газды тоҡандырғас та, һөрөм бүленә башлай;

- газ плитәһенең мейесен ҡулланыр алдынан, уны мотлаҡ асып елләтергә кәрәк;

- газ плитәһен бүлмәне йылытыу өсөн ҡулланмағыҙ;

- газдың уты тигеҙ һәм талғын янырға тейеш. Әгәр ут емелдәп яна башлаһа, ҡапыл һүнһә, шунда уҡ газ крандарын ябып, бүлмәне елләтегеҙ;

- бәләкәй балаларға газ ҡорамалдары менән ҡулланырға рөхсәт итмәгеҙ.

Барығыҙға ла хәүефһеҙ тормош теләйбеҙ!

Фото: Башҡортостан Республикаһының Ғәҙәттән тыш хәлдәр буйынса дәүләт комитеты.