Өфөгә Брянск театры килә!

"Балалар һәм йәштәр өсөн Ҙур гастролдәр" федераль программаһына ярашлы, Брянск өлкәһенең Йәш тамашасылар театры Өфөгә гастролдәр менән килә. Улар Мостай Кәрим исемендәге Милли йәштәр театры сәхнәһендә уйнаясаҡ. Тамашасылар ете спектакль менән таныша аласаҡ. Ҡунаҡтар беҙгә "Сказка о мертвой царевне и семи богатырях" (А. Пушкин), "Щелкунчик и Мышиный король" (Э. Гофман), "Муха-Цокотуха" (К.Чуковский) әкиәттәре, "Тартюф" (Ж.-Б. Мольер), "Человек и джентельмен" (Э.Де Филиппо),"Знакомство по объявлению" (Б. Рацер һәм В. Константинов) комедиялары, "Поллианна" (Э. Портер) тамашаһын алып килә.

Брянск өлкәһенең Йәш тамашасылар театры спектаклдәре менән танышыу өсөн рәхим итегеҙ! Билеттар ҡала кассаларында һатыла.