Авдондағы ҡошсолоҡ фабрикаһында тауыҡтарҙың "ҡош киҙеүе"менән сирләүе ихтимал

"9 августа кис Өфө район ветеринария станцияһына Авдон ҡошсолоҡ фабрикаһы хужаһы ҡоштарҙың күпләү үлеүе хаҡында хәбәр итә. 10 августа иртән ветеринария хеҙмәте белгестәре пробалар алыу өсөн урынға юллана. Башҡортостан ғилми-производство ветеринария лабораторияһында килтерелгән өлгөләрҙе тикшереү дауам итә. Диагноз ҡуйыу өсөн материал Владимир ҡалаһына лабораторияға ебәрелгән",-тип хәбәр иттеләр ведомствоның матбуғат хеҙмәтенән.

Башҡортостандың ветеринария буйынса дәүләт комитеты Өфө районында ҡоштарҙың юғары патогенлы киҙеүенә шикләнеү буйынса ғәҙәттән тыш ведомство-ара комиссияның ашығыс ултырышын үткәрҙе, саралар планы әҙерләнде.

Фото: Т. Аманов