+21 °С
Болотло
Яңылыҡтар таҫмаһы
12 Июль 2023, 08:29
Ауылдарға хәүеф янамаһын өсөн минераль һыҙаттар киңәйтелә
Бөгөн, Белорет районындағы урман янғынына бәйле, Рәсәй Ғәҙәттән тыш хәлдәр министрлығының Башҡортостан Республикаһы буйынса баш идаралығы нигеҙендә ведомство-ара оператив штабтың эше ойошторолдо.
Ауылдарға хәүеф янамаһын өсөн минераль һыҙаттар киңәйтелә
Штабтың эше барышында янғын эҙемтәләрен кәметеү буйынса ҡарарҙар ҡабул ителә. Төп бурыс - утты тиҙ арала локализациялау. Ауылдарға хәүеф янамаһын өсөн минераль һыҙаттар киңәйтелә.
Белорет районында ла ведомство-ара штаб эшләй. Иң насар сценарийға бәйле хәлдең бөтә фараздары иҫәпкә алына.
Ҙур габаритлы техниканы йәлеп итеп мәсьәләһе хәл ителә. Әлеге ваҡытта 8 бульдозер йәлеп ителгән. Янғынды 170 кеше һәм 34 берәмек техника һүндерә. Төпкөл урындарҙа элемтә булдырылған.
Хәл тәүлек әйләнәһенә контролдә тотола. Тейешле саралар күрелә.
Фото: РФ Ғәҙәттән тыш хәлдәр министрлығының Башҡортостан Республикаһы буйынса баш идаралығы.
Ауылдарға хәүеф янамаһын өсөн минераль һыҙаттар киңәйтелә
