Радий Хәбиров: “ХХ форумды беҙҙең республикала үткәрергә тәҡдим итәм”

Радий Хәбиров республикабыҙҙың тышҡы иҡтисади эшмәкәрлеге тураһында һөйләне. Һуңғы йылдарҙа был өлкәлә беҙ әүҙем эш алып барабыҙ.

“Беларусь менән бәйләнеш иһә бары тик иҡтисади проект ҡына түгел. Был – ҡәрҙәш халыҡ менән бик ныҡлы дуҫлыҡ”, – тине БР Башлығы һәм форумда ҡатнашыусыларға беҙгә килергә мөмкинлек тапҡандары өсөн рәхмәт белдерҙе.

Радий Хәбиров ХХ форумды Башҡортостанда үткәрергә тәҡдим итте: “Форум менән бик ҡыҙыҡһыналар, уны үҙҙәрендә үткәреү өсөн көрәш башларға әҙерҙәр. Башҡорттар – тәрбиәле халыҡ. Шуға ла әле үк һорамайым, ә ХХ форумды беҙҙең республикала үткәрергә тәҡдим итәм”, – тине ул.

Фото: пресс-служба Совета Федерации.