+22 °С
Ямғыр
Яңылыҡтар таҫмаһы
21 Июнь 2023, 04:22
Өфөлә Рәсәй һәм Беларусь йәштәре форумы үтә
Рәсәй һәм Белоруссия төбәктәренең 10-сы форумы алдынан ике дәүләттең йәштәре лә бер майҙанға йыйыла. Сара 24 июндә була һәм унда 18 - 35 йәшлек 500-ләп егет һәм ҡыҙ ҡатнаша.
Өфөлә Рәсәй һәм Беларусь йәштәре форумы үтә
Форумды ойоштороусылар - БР Хөкүмәте, РФ Йәштәр эштәре буйынса федераль агентлыҡ булышлығында БР Йәштәр сәйәсәте буйынса дәүләт комитеты, Белоруссияның Мәғариф министрлығы һәм Йәштәр союзы.
Программала дүрт йүнәлеш ҡаралған: агросәнәғәт һәм ауыл хужалығы биләмәләре йәштәре өсөн, патриотик берләшмәләрҙә ҡатнашыусыларға, йәштәр, балалар һәм студенттар ойошмаларының ижади лидерҙарына, студенттар отрядтары һәм эшсе йәштәр вәкилдәренә. Бынан тыш, Өфө - Брест - Минск халыҡ-ара телекүпер күҙаллаған.
Форумда ҡатнашыусылар "ПРОФФест" Бөтә Рәсәй һөнәрҙәр йәрминкәһенә, Еңеү паркына барасаҡ.
